SSC CGL 2023 Notification : స్టాఫ్‌ సెలక్షన్‌ కమిషన్‌ (SSC) నుంచి మరో భారీ జాబ్‌ నోటిఫికేషన్‌ విడుదలైంది. కేంద్ర ప్రభుత్వంలోని వివిధ మంత్రిత్వశాఖలు/విభాగాలు/సంస్థల్లో ఖాళీగా ఉన్న ఉద్యోగాల భర్తీకి దరఖాస్తులు ఆహ్వానిస్తూ నోటిఫికేషన్‌ విడుదల చేసింది. ఈ నోటిఫికేషన్‌ ద్వారా 7500 గ్రూప్‌ బీ, గ్రూప్‌ సీ పోస్టుల భర్తీకై కంబైన్డ్‌ గ్రాడ్యుయేట్‌ లెవెల్‌ (SSC CGL 2023 ) పరీక్షలు నిర్వహించనుంది. డిగ్రీ ఉత్తీర్ణులైన వాళ్లు ఈ ఉద్యోగాలకు అప్లయ్ చేసుకోవచ్చు. ఏప్రిల్‌ 3 నుంచి దరఖాస్తు ప్రక్రియ ప్రారంభమైంది. అర్హులైన, ఆసక్తికలిగిన అభ్యర్థులు మే 3వరకు దరరఖాస్తులు చేసుకోవచ్చు.
మొత్తం పోస్టులు: 7500
- పోస్టుల వివరాలివే: ఇండియన్‌ ఆడిట్ అండ్‌ అకౌంట్స్‌ విభాగంలో.. అసిస్టెంట్‌ ఆడిట్ ఆఫీసర్‌, అకౌంట్స్‌ ఆఫీసర్‌, ఇంటెలిజెన్స్‌ బ్యూరో సహా పలు శాఖల్లో.. అసిస్టెంట్‌ సెక్షన్‌ ఆఫీసర్‌, సీబీడీటీలో.. ఇన్‌కం ట్యాక్స్‌ ఇన్‌స్పెక్టర్‌, సీబీఐలో.. సబ్‌ ఇన్‌స్పెక్టర్‌, అసిస్టెంట్‌ ఎన్‌ఫోర్స్‌మెంట్‌ ఆఫీసర్‌, ఎన్‌హెచ్ఆర్‌సీలో రీసెర్చి అసిస్టెంట్‌, ఎన్‌ఐఏలో సబ్‌ ఇన్‌స్పెక్టర్‌, నార్కొటిక్స్‌ కంట్రోల్‌ బ్యూరోలో.. సబ్‌ ఇన్‌స్పెక్టర్‌/ జూనియర్‌ ఇంటెలిజెన్స్‌ ఆఫీసర్‌, కాగ్‌లో ఆడిటర్‌, అకౌంటెంట్‌, తపాలాశాఖలో.. పోస్టల్‌ అసిస్టెంట్‌, సీనియర్‌ అడ్మినిస్ట్రేటివ్‌ అసిస్టెంట్‌, సీబీడీటీలో.. ట్యాక్స్‌ అసిస్టెంట్‌, నార్కొటిక్స్‌ బ్యూరో, ఆర్థికమంత్రిత్వశాఖలో.. సబ్‌ ఇన్‌స్పెక్టర్‌ పోస్టులున్నాయి.
- విద్యార్హతలు: ఏదైనా గుర్తింపు పొందిన యూనివర్సిటీ నుంచి డిగ్రీ ఉత్తీర్ణులైన వారు ఈ ఉద్యోగాలకు అప్లయ్ చేసుకోవచ్చు.
- వేతనం: పోస్టులను బట్టి నెలకు రూ.25,500ల నుంచి రూ.1,51,100 వరకూ ఉంటుంది.
- వయో పరిమితి: పోస్టులను బట్టి అభ్యర్థుల కనీస వయసు 18 ఏళ్లు కాగా.. గరిష్ఠ వయసు 32 ఏళ్లు. ఎస్సీ/ఎస్టీ అభ్యర్థులకు ఐదేళ్లు, ఓబీసీలకు మూడేళ్లు, ఎక్స్‌సర్వీస్‌మెన్‌లకు మూడేళ్ల పాటు వయో సడలింపు ఉంటుంది. వీరితో పాటు దివ్యాంగులకు ప్రత్యేకంగా వయో సడలింపు ఇచ్చారు.
- దరఖాస్తు ఫీజు: రూ.100గా నిర్ణయించారు. మహిళలు, ఎస్సీ/ఎస్టీ కేటగిరీ, దివ్యాంగులు, ఎక్స్‌సర్వీస్‌మెన్‌ కేటగిరీకి చెందిన వారు దరఖాస్తు ఫీజు చెల్లించనవసరంలేదు.
- ఎంపిక ప్రక్రియ: ఈ ప్రక్రియలో భాగంగా రెండు దశల్లో కంప్యూటర్‌ ఆధారిత పరీక్ష ఉంటుంది. టైర్‌- 1 పరీక్ష ఆబ్జెక్టివ్‌ టైప్‌లో ఉంటుంది. టైర్‌- 2 పరీక్షలో మూడు పేపర్లు ఉంటాయి. ఆ తర్వాత.. డాక్యుమెంట్ వెరిఫికేషన్‌, మెడికల్‌ ఎగ్జామినేషన్‌ ఉంటాయి.
- తెలుగు రాష్ట్రాల్లో పరీక్ష కేంద్రాలు : చీరాల, గుంటూరు, కాకినాడ, కర్నూలు, నెల్లూరు, రాజమండ్రి, తిరుపతి, విజయనగరం, విజయవాడ, విశాఖపట్నం, హైదరాబాద్‌, కరీంనగర్‌, వరంగల్‌ నగరాల్లో పరీక్ష నిర్వహిస్తారు.
- Notification
- Apply